fbpx
Free Call

Aanandashram

₹100
128Pages
AUTHOR :- Baba Bhand
ISBN :- 9788177866292

Categories: , Product ID: 2984

Description

मुलं आणि मोठ्यांसाठीची गोष्ट

ही आहे शरीर आणि मनाच्या संस्काराची गोष्ट.
माणूस आणि निसर्गाचं एक अतूट नातं आहे.
जे जग आणि त्यातील सगळे नियंत्याने निर्मिले.

निर्मिकाच्या निसर्गचक्राने ऊन, पाऊस, बर्फ अन् थंडी पडते.

भूतलावरील माणूस, किडे-मुंग्यांसारखे कीटक, पक्षी – प्राणी आणि
झाडा-झुडपांसाठी निसर्गाने नियम केले आहेत.

नियम पाळणे हा निसर्गाचा धर्म आहे.
नियम मोडले की तो शिक्षा करतो. आपणही जगताना, वागताना, खाताना
नियम मोडला की शिक्षा होणारच; पण बरेचदा ती दृश्य स्परूपात नसते.
असते मात्र हमखास.

यातून शरीर मनाच्या बिघाडाची सुरूवात होते.

चांगले संस्कार शरीर-मनास निरोगी राहण्यास मदतच करतात.
मात्र प्रत्येक गोष्टीची सुरूवात स्वत:पासूनच करायची असते.

आज जगभर आवर्षणाचं, अतिवृष्टीचं आणि पर्यावरण असंतुलनाचं संकट
घोंघावत आहे. जाती-धर्माच्या नावानं दहशतवादाचं भूत भेडसावत आहे.
अतिलोभानं धनदांडग्यांची शक्ती दुर्बलानं चिरडून टाकत आहे आणि
आम्ही आमच्या स्वार्थासाठी निसर्गाची सगळी घडी बिघडवून टाकली आहे.

या गोष्टीला मी मीच जबाबदार आहे. ही स्थिती आपण जोपर्यंत स्वीकारत नाही,
तोपर्यंत या जबाबदारीच्या जाणिवेचा स्पर्श होत नाही.

म्हणून प्रत्येक गोष्टीची सुरूवात माझ्यापासूनच होऊ शकते.
मग ती चांगली असू दे, नाही तर चांगली नसू दे.
एवढं जरी केलं तर अनेक प्रश्न सोपे वाटू लागतील.

अशी आहे ही आनंदाश्रमाची गोष्ट.

Additional information

About Author

बाबा भांड
जन्म वडजी, पैठणजवळील खेड्यात, २८ जुलै १९४९.
बालपणापासून कमवा व शिका हा संस्कार. शिक्षण एम. ए. इंग्रजी. आठवीत बालवीर चळवळीत राष्ट्रपतीपदकाने सन्मानित. दहावीत जागतिक स्काउट-गाइड मेळाव्याच्या निमित्तानं अमेरिका-कॅनडा आदी दहा देशांचा प्रवास. लेखकच व्हायचं स्वप्न होतं. सहावीपासून लेखनास सुरुवात. १९७५ साली पत्नी सौ. आशाच्या मदतीनं धारा व नंतर साकेत प्रकाशनाची सुरुवात. आतापर्यंत अठराशे पुस्तकांचे प्रकाशन.
बाबा भांड यांच्या आतापर्यंत नऊ कादंबऱ्या, दोन कथासंग्रह, चार प्रवासवर्णनं, चार ललित गद्य, चार चरित्रं, चार आरोग्य व योग, नऊ संपादनं, चार अनुवाद, पंधरा किशोर कादंबऱ्या, एकोणावीस बालकथा संग्रह, तीन एकांकिका, सत्तावीस नवसाक्षरांची पुस्तके प्रकाशित.
साहित्य अकादमीचा बालसाहित्य, महाराष्ट्र शासनाचे अकरा, महाराष्ट्र फाउंडेशन, दमाणी आणि इतर पंधरा पुरस्कार. त्यांच्या साहित्यावर पाच विद्याथ्यांची पीएच.डी., अभ्यासक्रमात पुस्तके व पाठ.
जन्मगावी पाणलोटक्षेत्र विकास, वाचनालय, गरीब अपंग-मूकबधिर मुलांसाठी निवासी शाळा, योगसाधना संस्थेत विश्वस्त, समाजोपयोगी कामात सहभाग, प्रकाशनाच्या कमाईतून वरील कामासाठी पंचवीस लाखांहून अधिक मदत. लेखन-प्रकाशनासोबत शेती, प्रवास आणि फोटोग्राफीचा छंद. महत्त्वाचं जग फिरून झालंय.
अध्यक्ष, महाराष्ट्र राज्य साहित्य आणि संस्कृती मंडळ, मुंबई, तसेच सदस्य सचिव, महाराजा सयाजीराव गायकवाड चरित्र साधने प्रकाशन समिती, महाराष्ट्र शासन, मुंबई.
email : baba.bhand@gmail.com, http://www.bababhand.com

Reviews

There are no reviews yet.

Be the first to review “Aanandashram”

Your email address will not be published. Required fields are marked *