fbpx

Adhunik Bhartache Shilpakar | आधुनिक भारताचे शिल्पकार

₹25

32Pages
AUTHOR :- Baba Bhand
ISBN :- 9789352202645
Order On Whatsapp

Share On :

Description

आधुनिक भारताच्या जडणघडणीचे एक शिल्पकार आहेत महाराजा सयाजीराव गायकवाड. राज्य चालविणे हे शास्त्र आहे. त्यासाठी राजा ज्ञानी असावा हे ओळखून सयाजीराव स्वतः शिकले. जगभरातील प्रशासन पद्धतीचा अभ्यास केला. सुप्रशासन अन् जनतेच्या ज्ञानात्म प्रबोधनातूनच जनकल्याणाचा ध्यास घेतला.  शिक्षण-विज्ञान हेच प्रगती-परिवर्तनाचे साधन आहे. हे ओळखून देशात प्रथमच सक्तीचे प्राथमिक मोफत शिक्षण, सुप्रशासन-न्याय, शेतीउद्योगांना मदत, सामाजिक-धार्मिक सुधारणा, जाती-धर्मातील पंगतिभेद दूर करून समता, मानवता अन् सर्वधर्म समभावाचा मार्ग निवडला.
शैक्षणिक, सामाजिक, सांस्कृतिक अन् वाङ्मयीन कलांचे ते आश्रयदाते होते. देशभरातील अनेक युगपुरुष-संस्थांना त्यांनी मदत केली. पितामह नौरोजी, जमशेटजी टाटा, नामदार गोखले, लो. टिळक, म. गांधी, न्या. रानडे, म. फुले, राजर्षी शाहू, डॉ. आंबेडकर, पं. मालवीय, कर्मवीर भाऊराव, स्वा. सावरकर, महर्षी शिंदे हे यातील काही आहेत. अनेक संस्था-व्यक्तींना महाराजांनी केलेली कोट्यवधींची मदत हे जगावेगळे त्यांचे दातृत्व होते.
महाराजा सयाजीराव हे स्वातंत्र्ययोद्ध्यांचे पाठीराखे आणि एक प्रज्ञावंत लेखक ही त्यांची नवी ओळख आहे. त्यांची पुस्तके, भाषणे, पत्रे, हुकूम आणि रोजनिशी हा देशाचा अनमोल वारसा आहे. सुप्रशासन आणि जनकल्याणातच मोक्ष शोधणाऱ्या सयाजीरावांचे बलसंपन्न भारताचे स्वप्न होते. ते पूर्ण करण्याचे काम प्रत्येक भारतीयास पूर्ण करावयाचे आहे.

Additional information

About Author

बाबा भांड
जन्म वडजी, पैठणजवळील खेड्यात, २८ जुलै १९४९.
बालपणापासून कमवा व शिका हा संस्कार. शिक्षण एम. ए. इंग्रजी. आठवीत बालवीर चळवळीत राष्ट्रपतीपदकाने सन्मानित. दहावीत जागतिक स्काउट-गाइड मेळाव्याच्या निमित्तानं अमेरिका-कॅनडा आदी दहा देशांचा प्रवास. लेखकच व्हायचं स्वप्न होतं. सहावीपासून लेखनास सुरुवात. १९७५ साली पत्नी सौ. आशाच्या मदतीनं धारा व नंतर साकेत प्रकाशनाची सुरुवात. आतापर्यंत अठराशे पुस्तकांचे प्रकाशन.
बाबा भांड यांच्या आतापर्यंत नऊ कादंबऱ्या, दोन कथासंग्रह, चार प्रवासवर्णनं, चार ललित गद्य, चार चरित्रं, चार आरोग्य व योग, नऊ संपादनं, चार अनुवाद, पंधरा किशोर कादंबऱ्या, एकोणावीस बालकथा संग्रह, तीन एकांकिका, सत्तावीस नवसाक्षरांची पुस्तके प्रकाशित.
साहित्य अकादमीचा बालसाहित्य, महाराष्ट्र शासनाचे अकरा, महाराष्ट्र फाउंडेशन, दमाणी आणि इतर पंधरा पुरस्कार. त्यांच्या साहित्यावर पाच विद्याथ्यांची पीएच.डी., अभ्यासक्रमात पुस्तके व पाठ.
जन्मगावी पाणलोटक्षेत्र विकास, वाचनालय, गरीब अपंग-मूकबधिर मुलांसाठी निवासी शाळा, योगसाधना संस्थेत विश्वस्त, समाजोपयोगी कामात सहभाग, प्रकाशनाच्या कमाईतून वरील कामासाठी पंचवीस लाखांहून अधिक मदत. लेखन-प्रकाशनासोबत शेती, प्रवास आणि फोटोग्राफीचा छंद. महत्त्वाचं जग फिरून झालंय.
अध्यक्ष, महाराष्ट्र राज्य साहित्य आणि संस्कृती मंडळ, मुंबई, तसेच सदस्य सचिव, महाराजा सयाजीराव गायकवाड चरित्र साधने प्रकाशन समिती, महाराष्ट्र शासन, मुंबई.
email : baba.bhand@gmail.com, http://www.bababhand.com

Reviews

There are no reviews yet.

Be the first to review “Adhunik Bhartache Shilpakar | आधुनिक भारताचे शिल्पकार”

Your email address will not be published. Required fields are marked *

Click To Chat