Nata Doghancha | नातं दोघांचं

डॉ. राजेंद्र बर्वे यांनी मुंबईतील लोकमान्य टिळक वैद्यकीय महाविद्यालयामधून पदवीपूर्व आणि पदव्युत्तर शिक्षण घेतले. एम. डी. आणि डी. पी. एम. या मनोविकारशास्त्राच्या परीक्षेमध्ये मुंबई विद्यापीठामधून सर्वप्रथम येण्याचा मान मिळविला. त्यांना इंडियन साइकिअॅट्रिक सोसायटीची आणि अमेरिकन कॉलेजची फेलोशिप मिळाली. मनोविकार आणि मानसिक आरोग्य या विषयावर आणि इतर विषयावर पुस्तके आजवर प्रकाशित झाली आहेत; तसेच त्यांनी महाराष्ट्र टाइम्स, लोकसत्ता या वर्तमानपत्रांतून तर किलोस्कर, स्त्री, मनोहर आणि लोकप्रभा या नियतकालिकातून विपुल लेखन केले आहे. अमेरिकेतील बोस्टन येथील विद्यापीठामधून आणि न्यूजर्सी मेडिकल कॉलेजमध्ये त्यांनी कार्यशाळा चालविल्या आहेत. मुंबईतील अनेक संस्थांमधून त्यांनी व्याख्याने आणि कार्यशाळा चालविल्या आहेत.
ते 'स्ट्रेस मॅनेजमेंट' या विषयावर अनेक औद्योगिक कंपन्यांमध्ये एका दिवसाचा "Lets Talk Stress' नावाचा कार्यक्रम सादर करतात.