fbpx

Jagprasiddha Udyojakanchya Karyapaddhati | जगप्रसिद्ध उद्योजकांच्या कार्यपद्धती

₹350

280Pages
AUTHOR :- Jaiprakash Zende
ISBN :- 9788177867473
Order On Whatsapp

Share On :

Description

फिनिक्स पक्ष्याप्रमाणे राखेतून झेप घेणारा देश म्हणून आज जग जपानला ओळखते. रद्दीमालाची बाजारपेठ ते जगात सर्वात उत्कृष्ट दर्जाचे उत्पादन करणारा देश या त्याच्या प्रवासाचे श्रेय जाते ते त्यांच्या कार्यपद्धतींना. याच कार्यपद्धती जीई, मोटोरोला, टाटासारख्या कंपन्यांनी अवलंबल्या आणि औद्योगिक क्षेत्रात इतिहास घडवला. ही तंत्रं व्यवस्थापन क्षेत्राचा गाभा बनली.
या पुस्तकात नमूद केलेल्या कार्यपद्धती आपल्या व्यावसायिक जीवनात रुजवण्याची व त्यात यशस्वी होण्याची गरज पुस्तकाच्या पानापानातून जाणवते. नवीन उद्योजकांना व्यावसायिक जगात टिकून राहण्यासाठी माहितीचा खजिना या पुस्तकात दिलेला आहे. तसेच व्यवस्थापकीय कार्यातील जे अनुभव यात मांडण्यात आले आहेत ते तरुण व्यवस्थापकांना उपयुक्त ठरावेत असेच आहेत.
व्यवस्थापन कौशल्यातील क्लिष्ट वाटणार्या या संकल्पना या पुस्तकात सहज, सुलभ व ओघवत्या शैलीत सांगितल्या आहेत. या कार्यपद्धती सामान्य व्यावसायिकाने आत्मसात केल्या, तर यशश्री त्याच्या गळ्यात माळ घालेल हे निश्चित.
जगप्रसिद्ध उद्योजकांच्या यशाच्या कार्यपद्धती सांगणारे अत्यंत उपयुक्त पुस्तक.

Additional information

About Author

जयप्रकाश भालचंद्र झेंडे हे मेकॅनिकल इंजिनिअर आहेत. टाटा मोटर्स या जनप्रसिद्ध वाहन उद्योगात त्यांनी तीस वर्षे वरिष्ठ व्यवस्थापक म्हणून काम केले. त्यात प्लॅनिंग, कास्टिंग आणि इंडस्ट्रिअल इंजिनिअरिंग या विभागांचा समावेश होता. या काळात भारतात नवीनच आलेल्या कायझेन, सजेशन स्किम, क्वालिटी सर्कल, फाइव्ह एस अशा आपल्या कामात निरंतर सुधारणा करणाऱ्या जपानी कार्यपद्धतीत काम करण्याची संधी त्यांना मिळाली.
निवृत्तीनंतर आता ते औद्यागिक सल्लागार आणि प्रशिक्षक म्हणून काम करीत आहेत. आतापर्यंत भारतातील अनेक प्रसिद्ध संस्थांमधून सुमारे १५०० या वर कार्यशाळा घेऊन २५,००० अधिकारी आणि कामगारांना त्यांनी प्रशिक्षित केले आहे. त्यांना लेखनाचा छंद आहे. यातूनच त्यांनी अनेक दैनिके आणि नियतकालिकांतून सुमारे २५० लेख लिहिले आहेत. त्यांच्या लेखनाचे , विषय सर्वसाधारणपणे स्वतःत आणि संस्थेत सुधारणा कशी घडवून आणता येईल याच्याशी निगडित असतात. त्याचबरोबर आतापर्यंत त्यांची दहा पुस्तके प्रकाशित झाली आहेत.
त्यांना आतापर्यंत १) इन्सान या राष्ट्रीयपातळीवर काम करणाऱ्या संस्थेकडून जीवनगौरव', २) इंदिरा इन्स्टिट्यूट ऑफ मॅनेजमेंटकडून 'प्राइड ऑफ इंदिरा' आणि ३) इंटरनॅशनल बुक हाउस, दिल्ली यांच्याकडून 'बेस्ट सिटिझन ऑफ इंडिया' हे सन्मान मिळाले आहेत.

Reviews

There are no reviews yet.

Be the first to review “Jagprasiddha Udyojakanchya Karyapaddhati | जगप्रसिद्ध उद्योजकांच्या कार्यपद्धती”

Your email address will not be published. Required fields are marked *

Click To Chat