Satyacha Shodh | Yogache Nave Pailu

Description

सत्य असले तर स्वत:च्या आतमध्ये आहे. त्यामुळे इतर कोणाकडे मागून ते मिळणार नाही. सत्य कुठून शिकूनही घेता येत नाही.

कारण आपण जे काही शिकत असतो ते बाहेरून शिकत असतो. आपण जे मागत असतो ते बाहेरून मागत असतो. सत्याला वाचूनही समजून घेता येत नाही. कारण आपण जे काही वाचतो ते बाहेरून वाचत असतो.

सत्य असते आपल्या अंतरंगात- ना त्याला वाचायचे आहे ना मागायचे आहे, ना कोणाकडून शिकायचे आहे – त्याला खोदून काढायचे आहे.
त्या जमिनीला खोदायचे आहे, जिथे आपण उभे आहोत, तर ते खजिने प्राप्त होतील, जे सत्याचे खजिने आहेत.
– ओशो
ओशो पुस्तकातील काही मुख्य विषय
• खरी, वास्तविक स्वतंत्रता काय आहे?
• शून्य हे पूर्णत्वाचे द्वार आहे.
• जीवन एक स्वप्न आहे का?
• संयमाचा अर्थ काय?

————————————————————————————————————————-

“योग एक विज्ञान आहे. ते काही धर्मशास्त्र नाही. हिंदू-मुस्लिम, जैन किंवा ख्रिश्चन अशा कोणत्याही आत्मज्ञान्यांना या योगाशिवाय सत्यप्राप्तीचे आत्मज्ञान मिळालेले नाही, मकग तो येशू असो वा महंमद पैगंबर, पतंजली असो वा बुद्ध किंवा महावीर, जीवनातल्या परम सत्यापर्यंत पोहोचण्यासाठी योगाशिवाय दुसरा पर्याय नाही. ज्याला आपण रूढ अर्थाने धर्म म्हणतो त्याला श्रद्धेची जोड असते.

योग ही श्रद्धेची नाही तर जीवनाच्या सत्याच्या दिशेने केलेल्या वैज्ञानिक प्रयोगाची सूत्रबद्ध आचारपद्धती आहे.
ओशोंनी ‘योगाचे नवे पैलू’ या पुस्तकात योगरूपी सप्तदलांचे पुष्प अत्यंत साध्या; पण तितक्याच रसाळ भाषेत उमलवले आहे. योगाद्वारा मी कोण आहे हे जाणून घेऊन शेवटी मीच तो आहे, ‘अहं ब्रम्हास्मी’ या अंतिम मुक्कामापर्यंतचा प्रवास कसा करायचा हे सांगितले आहे.”