Click To Chat

Vishari Varsa | विषारी वारसा

₹175

120 Pages

AUTHOR :- Narayan Dharap
ISBN :- 9789352203628
Order On WhatsApp

Share On :

Description

“…पाण्याची फेसाळणारी कड जवळ जवळ येत होती आणि तिला हलताच येत नव्हतं. पायचं नाही, तर सारं शरीरच कसल्या तरी चिकट द्रावात रुतून बसलं होतं. तिथून सुटण्यासाठी तिने आटापिटा केल्याची एक स्मृती मनात होती, पण आता अवयवांत त्राणच उरलं नव्हतं. पाण्याची कड एखाद्या अधाशी जनावरासारखी सारखी पुढे सरकत होती. लाटेवरचा फेस वासलेल्या जबड्यातल्या दातांसारखा दिसत होता. पाणी तिच्यापर्यंत पोचलं. शरीराला एक मखमली स्पर्श करून मागे सरलं. हा गोंजारणारा मखमली स्पर्श विषारी होता. शरीरातलं सर्व बळ एकवटून तिने एक उसळी मारली. पण व्यर्थ! एखादा इचच ती हलली असेल…पाणी पुन्हा आलं…त्याला घाई नव्हती .. ते आपला वेळ घेत तिला सावकाश मारणार होतं…त्याच्या तावडीतून ती आता सुटत नव्हती…मऊसर, गारेगार, रेशमी हातांनी ते तिला मारणार होतं…त्याचे चमकणारे पदरामागून पदर तिच्यावरून जातील…नाक, तोंड, डोळे, कान सर्वांवाटे ते शरीरात शिरेल…शरीरातला कानाकोपरा त्या फेसाळणाऱ्या पाण्याने भरून जाईल…
ती किंचाळली…पण पाण्याच्या गर्जनेत तो क्षीण आवाज केव्हाच विरून गेला…पाणी तिच्या शरीरावरून पुढे गेलं होतं…छातीपर्यंत आलं … गळ्यापर्यत आलं….तोंडापर्यंत आलं..
“नको….नको .. आई!”

Additional information

About Author

Narayan Dharap
शिक्षण : रसायनशास्त्रात बी. एस्सी टेक (मुंबई विद्यापीठ)

कार्यक्षेत्र : मराठी साहित्यिक

साहित्य प्रकार : कादंबरी, रहस्यकथा, भयकथा, गुढकथा, विज्ञानकथा

मृत्यू : 18 ऑगस्ट 2008 पुणे

धारपांविषयी थोडेसे :

व्यवसायाच्या निमित्ताने काही वर्षे अमेरिकेत राहिलेले नारायण धारप हे नंतर पुण्यात स्थायिक झाले. पुण्यात त्यांनी फर्निचरचा व्यवसाय सुरू केला आणि त्याचबरोबर लेखनासही सुरुवात केली. गुढकथा, भयकथा, रहस्यकथा, विज्ञानकथा हे विविध साहित्य प्रकार त्यांनी अतिशय समर्थपणे हाताळले. मराठी साहित्यात रहस्यमय, भयग्रस्त गुढकथांचे आणि कादंबर्‍यांचे दालन समृद्ध करणारे जे काही मोजकेच स्वतंत्र लेखन करणारे लेखक आहेत. त्यात नारायण धारपांचे नाव अव्वल आहे. त्यांनी लिहिलेले ‘समर्थ’ हे काल्पनिक पात्र आणि त्यावर आधारित गुढकथांनी एक काळ गाजवला. त्यांच्या ‘अनोळखी दिशा’ या गुढकथांवर आधारित पुस्तकावरून एक मालिका इ.स. 2011 मध्ये स्टारप्रवाह या मराठी वाहिनीवर प्रदर्शित झाली. त्यांच्या कथांपासून प्रेरणा घेऊन आनंद राय यांनी 2018 मध्ये ‘तुंबाड’ या चित्रपटाची निर्मिती केली, ज्याचे लेखन आणि दिग्दर्शन राही बर्वे यांनी केले होते.

Reviews

There are no reviews yet.

Be the first to review “Vishari Varsa | विषारी वारसा”

Your email address will not be published. Required fields are marked *