Raja Banayala Aaloy | राजा बनायला आलोय

₹20

24Pages
AUTHOR :- Baba Bhand
ISBN :- 9788177869576

Share On :

Description

“मी खेड्यातून बडोद्यात आलो. राजा बनलो. नंतर शिकलो. ते शिक्षण प्रजेला दिलं. अज्ञान आपला शत्रू आहे. शिक्षणानं त्यावर मात करा. प्रजाकल्याण हाच माझा मोक्ष. देशासाठी एकी हवी. जाती-धर्मांची भांडणं सोडा. आपलं आणि देशाचं चारित्र्य निर्मल पाण्यासारखं हवं.
आम्ही ते जपलं. नियम मोडले की शिक्षा होते. दुष्काळ ही शिक्षाच आहे. पाणी मौल्यवान, ते जपून वापरा. खुळ्या चालीरीती सोडा. शिक्षणानं विज्ञानाची कास धरा. शेती-उद्योगाची काळजी घ्या. ग्रामविकास हेच राष्ट्रकार्य समजा. बलसंपन्न भारताचं माझं स्वप्न आहे. मुलांनो तुम्हीच ते पूर्ण करताल. तुम्हाला चार सूत्रं सांगतो. खूप कष्ट करा. जे काही करायचं ते प्रामाणिकपणे करा. देशप्रेम विसरू नका. प्रत्येकाशी बंधुभावानं वागा. यातूनच उद्याचा बलसंपन्न भारत घडणार आहे.”
– महाराजा सयाजीराव गायकवाड

Additional information

About Author

बाबा भांड
जन्म वडजी, पैठणजवळील खेड्यात, २८ जुलै १९४९.
बालपणापासून कमवा व शिका हा संस्कार. शिक्षण एम. ए. इंग्रजी. आठवीत बालवीर चळवळीत राष्ट्रपतीपदकाने सन्मानित. दहावीत जागतिक स्काउट-गाइड मेळाव्याच्या निमित्तानं अमेरिका-कॅनडा आदी दहा देशांचा प्रवास. लेखकच व्हायचं स्वप्न होतं. सहावीपासून लेखनास सुरुवात. १९७५ साली पत्नी सौ. आशाच्या मदतीनं धारा व नंतर साकेत प्रकाशनाची सुरुवात. आतापर्यंत अठराशे पुस्तकांचे प्रकाशन.
बाबा भांड यांच्या आतापर्यंत नऊ कादंबऱ्या, दोन कथासंग्रह, चार प्रवासवर्णनं, चार ललित गद्य, चार चरित्रं, चार आरोग्य व योग, नऊ संपादनं, चार अनुवाद, पंधरा किशोर कादंबऱ्या, एकोणावीस बालकथा संग्रह, तीन एकांकिका, सत्तावीस नवसाक्षरांची पुस्तके प्रकाशित.
साहित्य अकादमीचा बालसाहित्य, महाराष्ट्र शासनाचे अकरा, महाराष्ट्र फाउंडेशन, दमाणी आणि इतर पंधरा पुरस्कार. त्यांच्या साहित्यावर पाच विद्याथ्यांची पीएच.डी., अभ्यासक्रमात पुस्तके व पाठ.
जन्मगावी पाणलोटक्षेत्र विकास, वाचनालय, गरीब अपंग-मूकबधिर मुलांसाठी निवासी शाळा, योगसाधना संस्थेत विश्वस्त, समाजोपयोगी कामात सहभाग, प्रकाशनाच्या कमाईतून वरील कामासाठी पंचवीस लाखांहून अधिक मदत. लेखन-प्रकाशनासोबत शेती, प्रवास आणि फोटोग्राफीचा छंद. महत्त्वाचं जग फिरून झालंय.
अध्यक्ष, महाराष्ट्र राज्य साहित्य आणि संस्कृती मंडळ, मुंबई, तसेच सदस्य सचिव, महाराजा सयाजीराव गायकवाड चरित्र साधने प्रकाशन समिती, महाराष्ट्र शासन, मुंबई.
email : baba.bhand@gmail.com, http://www.bababhand.com

Reviews

There are no reviews yet.

Be the first to review “Raja Banayala Aaloy | राजा बनायला आलोय”

Your email address will not be published. Required fields are marked *

Click To Chat